Ezagutu Punta Begoña zure kabuz, erreserbarik egin gabe

Urtez urte bagoaz galeriak bisitatzeko eremua handituz, baita mundu digitalak eskaintzen dizkigun aukerak gehitzeko sistema berriak ezarriz ere. Horregatik, 2018an Punta Begoñako Galeriak zabalik egongo dira bisitatzeko 11:30etik 14:30era eta 17:00etatik 20:00etara astelehenetik asteazkenera eta 21:00ak arte ostiral, larunbat eta igandeetan.

Ordu-tarte horretan monumentura hurbiltzen den orok izango du aukera bertan sartzeko, aldez aurretik izena eman gabe eta talderik osatu beharrik gabe. Horrela, bisitaldia egitea erraztu nahi diegu aurreko ordutegi-eskaintza ondo ez zetorkienei, edo Punta Begoña bere kabuz ezagutu nahi dutenei; halaber, aukera ona da aisialdirako aukera malguak nahi dituzten turistentzat ere, inolako planifikaziorik gabe.

Bisitariak murgildu ahal izango dira bai galerien historian bai bertako paisaian; eta era berean ezagutuko dituzte lanak eta ikerketaren aurrerapausoak, eta horien ondorioz burutzen ari diren jarduketak. Horretarako bost ibilbide tematiko prestatu ditugu, eta bertan parte hartzeko nahiko izango da telefonoz eskatzea.

Horrela, informazio-panelen sistema bat ezarri dugu, teknologia aurreratuenaz baliatzen dena, oso erraz, hiru urratsetan, Punta Begoña izan dezazun zure eskura.

*Oinetako erosoak eta hotzerako arropa ekartzea gomendatzen da, eraikina aire zabalean baitago.