Eraikina dagoen lekutik, itsasadarrak Bilbora egiten duen sarbide bakarra ikus daiteke. Jatorriz, ingurune hau gaur egun Urdaibain dagoen ibai ahoaren antzekoa zen, eta hondarpe aldakorrak zituen ibaibidearen albo banatan.
Paisaia hau erabat desberdina da itsasadarraren bi ertzetan: eskuinaldean zabalgune lau handiak ditu –marearteko zabalguneak–, eta zabalguneok hondartzak eta flysch gisako labar malkartsuak sortzen dituzte; ezkerraldean, berriz, erliebe menditsuak daude, non eskualdera aberastasuna eta industrializazioa ekarri zuten burdin meategi garrantzitsuak aurkitu baitziren.
Galeriak eraiki ziren labarraren historia geologikoa duela milioika urte hasi zen, ingurune hau itsas hondo sakona zeneko eta itsas azpitik 2.000 metrora baino gehiagora zegoeneko garaian.
Galeriak flysch itxurako labarraren gainean eraikita daudenez eta Ricardo Bastida arkitektoak asmaturiko euskarri bereziekin bertako erliebera moldatzen direnez, eraikinaren barrutik bertatik ikus daitezke azpian dituen material geologikoak.
