Aurten, bere berrogeita hamargarren urteurrena dela-eta, Getxoko Etorkizuna Mendi Taldeak urtemuga hori ospatzeko hainbat jarduera antolatu ditu Punta Begoña Galerietan.
EMMOA Fundazioak (Euskal Mendizaletasunaren Museoa/Museo del Montañismo Vasco) antolatuta, erakusketak “euskal mendizaletasunaren historiako gertaera garrantzitsuenak biltzen ditu, sorreratik gaur arte”.
Erakusketaren inaugurazioa Antxon Iturriza idazleak eta EMMOAko idazkariak egingo du, martxoaren 6an, 18:00etan, eta martxoaren 23ra arte egongo da zabalik.
Jarduera hauek Punta Begoñaren programazioa aberasten dute, eta zaharberritze-prozesuan zehar haren dimentsio sozialean laguntzen dute.
