“Punta Begoña, zuzenean”. Ondarearen jaialdi berritzailea eta nazioartean oihartzuna duena.
Ondarearen Europako Jardunaldiek Europa osoan 70.000 ekitaldi baino gehiago izango dituzte, eta Punta Begoñak, aurten ere, bat egin nahi izan du jardunaldiekin, elkargune bihurtuz.
2024ko Irrati eta Ondare Zikloaren 1. edizioaren arrakastaren ondoren, aurtengo urriko ostiral guztietan “Punta Begoña, zuzenean 2025 ” arkitektura- eta historia-jaialdi bihurtuko da, eta bertan izen handiko profesional eta ondare-zale ugari bilduko ditu. Punta Begoña bizitzaz beteko da, ideiez, elkarrizketez, emanaldiz, proiektu eta lanen aurkezpenez, liburuz, zuzeneko musikaz, istorioz, solasaldiz, zientziaz, aurkikuntzaz, antzerkiz, bertsoz, artisautzaz… Eta energia hori guztia Bizkaia osora, Europara eta mundura transmitituko da, irratiaren eta hedabide digitalen bidez.
Europako Kontseiluaren, Bizkaiko Foru Aldundiaren, gonbidatuen eta entitate parte-hartzaileen eta aurrez aurreko publikoaren eta entzulearen zorionak eta esker onak bultzatzen gaituzte bide horretan lan egiten jarraitzera, eta aurten Ondarearen Europako Jardunaldiak eta Irratiaren eta Ondarearen Zikloa eskainiko zaizkie Punta Begoñarentzat hain berezkoa den Ondare Arkitektonikoari eta komunitateak memoria kolektiboa eta partekatua eratzeko duen rolari.
2025eko hitzordua gonbidatu bereziekin hasiko da eta aurrez aurre zientzia-, kultura-, arte-, kirol-… munduko pertsona ospetsuekin hitz egingo dugu. Hona hemen egun hauetan gurekin egongo direnak. Laster, baieztapen gehiago.
