gaurkotasuna

"Egunero esperientzia bat"
Hasiera / Elkarbanatu / Gaurkotasuna

Punta Begoña, Zientziatekako solasaldietan

Datorren maiatzaren 24an, Zientziateka hitzaldi zikloaren harira, hitzaldi bat emango dugu Punta Begoña Galeriei balioa emateko prozesua azaltzeko. UPV/EHUko Kultura Zientifikoko Katedrak eta Bilboko Azkuna Zentroak hilero antolatzen dituzte hitzaldiok, gaur-gaurko gai zientifikoen berri emateko xedez.

“Bitxi arkitektoniko baten berreskurapena: Punta Begoña Galeriak” izeneko solasaldiaren bidez (gaztelaniaz), proiektuko EHUko ikertzaileen taldeko lau kidek zehatz-mehatz azalduko dute zer-nolako erronkak izan ohi dituzten eguneroko lanean, eta ikerketaren lehen faseko aurkikuntza nagusiak erakutsiko dituzte. Lehen fase horretan, hain zuzen ere, eraikina zenbateraino den egonkorra egiaztatu dute, hondatzearen kausak detektatu dituzte, kalteak zenbaterainokoak diren kalkulatu dute eta neurri zuzentzaileak proposatu dituzte.

Hauek izango dira hizlariak: Gorka Arana, Kimikaren Zientzietako doktorea; María Peraita Tajadura, ondarea lehengoratzen eta kudeatzen espezializaturiko arkitektoa; Laura Damas Mollá, Geologiako doktorea; eta María Dolores Rodríguez Laso, Zaharberritzeko irakaslea.

  • Eguna: maiatzak 24
  • Ordua: 19:00
  • Lekua: Azkuna Zentroko entzunaretoa (1. solairua). Bilbo.
  • Sarrera: doakoa da, baina beharrezkoa da sarrerak izatea (Azkuna Zentroko informazio gunean jaso beharko dira)

 

Ezagutu sarrera honekin lotutako gai gehiago
Lehen Hezkuntzako 5. eta 6. mailako ikasleek gertutik aztertu dute zientzia Punta Begoña Galerietan, Zientzia Astean
Punta Begoña Galerietan Lehen Hezkuntzako 5. eta 6. mailako 200 ikasle inguru izan dira zientzia lanaren errealitatea lehen eskutik aztertzen,...
Adultos y menores con prismáticos y cascos de obra miran el paisaje de Punta Begoña
Bisitak familian Punta Begoñara, uztailetik aurrera
Azken urteetan Punta Begoña bisitatu duten pertsona gehienen motibazioa “familian esperientzia bat bizitzeagatik” izan dela egiaztatu ondoren, Punta Begoña Fundazioak...