Azken hilabeteetan, Punta Begoña Galeriak turismo etikoaren eredutzat hartu dira, Bizkaiko Lurralde Historikoko baliabide nabarmen edo Euskadiko turismo-jardunbide egokien erreferente gisa. Turismoa ez da getxotar proiektu honen helburua, baizik eta jendearen gozamenerako ekipamendu zibikoa, soziala, kulturala eta prestakuntzakoa sortzea.
Biztanleen bizi-kalitatea hobetzeak interes turistikoa sortzen badu, ongi etorria izan dadila.
Hala erabaki du RTVEren “Zoom Tendencias” turismo, ongizate eta aisialdiko programak, otsailean “Getxo & Bilbao y a ser feliz” izeneko saio monografikoa eskainiz.
Punta Begoña Galeriek, Algortako Portu Zaharrak, Getxoko hiribildu handiek, Ibarratarren jauregiak eta Arriluceko Hotel Handi berriak, eta handik itsasadarra zeharkatuz, Guggenheim Museoak eta Bilboko erakargarritasun nagusiek programa bat osatu zuten. Programa horrek, hainbat emisio, kanal eta euskarritan, ehunka mila ikusle eta bisitari potentzial erakartzen ditu gure udalerrira.
- Programaren fitxa:
- Zoom Tendencias astero bidaiatzen du Espainiako hainbat txokotan barrena, eta gastronomia- eta hotel-proposamen berritzaileak erakusten dizkigu. Ongizate eta aisialdiko azken joerak ezagutuz; eta gure ondare historiko, kultural eta artistiko aberatsa zeharkatuz.
- Dirigido por: Mercedes Cámara
- Errealizazioa: Jose María Sánchez Chiquito
- Muntaketa: Emilio Pajares
