Antzezpen-aretoa

Xurxo Ayán arkeologo ospetsuak areto ikaragarri hau «Estatuko kapsula historikorik interesgarrienetako bat» zela esan zuenean, bazekien leku horretan gainjartzen ziren agerpenak ohiz kanpokoak zirela.

Hormetan ageri diren aztarnek historia zirraragarri baten azken ehun urteak kontatzen dituzte: industrializazioa, berrikuntza, garapena, gerra, azpijokoak, gerraostea, krisialdia, matxinada eta modernitatea 181 metro karratuetan.

Punta Begoñako toki itxi eta bizigarri bakarra boterearen eta kultura-, gizarte- eta politika-jardueraren gune nagusia izan zen. Eta gaur egun, berriz ere, bada, apainketa bereziak eta material aberatsak berreskuratuz. Hormigoia eta marmola, teka eta igeltsua, kareharria, margoa eta graffitiak, inor epel ez uzteko eraikitako eszenografian.