Ariel Rot musikari argentinarrak gidatzen duen “Un país para escucharlo” RTVEko saio ezagunak, martxoaren 5ean Kantauri isurialdeari eskaini zion bere emanaldia.
Ordubetez, musikaren bidez, Asturias, Kantabria eta Bizkaiko leku ederrenetako batzuk zeharkatu zituen.
Gure lurraldean, road movie honek hiru leku enblematiko aukeratu zituen itsasadarrean zehar eta itsasoratzeko bidean: Barakaldoko Munoa jauregia, Portugaleteko ertzean Zubi Esekia eta Getxoko Punta Begoña Galeriak.
Gure Galeriei zazpi minutu inguruko metrajea zuten hainbat pasarte eskaini zizkien. Horietan, batez ere hegoaldera begira zegoen aisialdirako galeria erakutsi zen. Bertan, Shinova talde arrakastatsua elkarrizketatu zuen, eta, gainera, bere abesti ospetsuenetako bat jo zuen, une horretarako espreski bertsionatua. Halaber, Errepresentazio Aretoa eta bertan leku izan duen Itsasadarraren ondare immaterialari buruzko erakusketa agertu zen terrazetatik Getxorako eta itsasorako ikuspegiez gain.
Programa hau zabaltzea interes handikoa da Punta Begoñarentzat eta Getxorentzat, bai bere ospeagatik, bai telebista publikoko hainbat kanalen bidez emititzeagatik eta momento honetan RTVE Playren bidez, 4Kn egindako nazioarteko emisio berritzailea sartzeagatik, Smart TVn telebista-dibulgazioarekin batera.
Saioa grabatu ondoren, Ariel Rot gidariak eta haren lantaldeko kide batzuek Galerietara bisita egin zuten, eta Horacio Echevarrieta sustatzailearekiko interes bizia erakutsi zuten. Azken hori Munoa Jauregiarekin lotura zuela, programa grabatzeko aukeratutako beste hiru tokietako batekin, hain zuzen.
