Ekaineko datozen asteburuei begira, Getxoko Punta Begoña Galerietan mikro-antzerki ziklo bati ekingo dio. Hainbat antzezpen izango dira ibilbide zabaleko euskal autore eta antzezleen eskutik; hala nola, Isidoro Fernandez, Olatz Beobide, Aizpea Goenaga, Tessa Andonegi edo Ainhoa Aierbe. Euskaraz eta gaztelaniaz antzeztuko diren 8 antzezpen izango dira emanaldi bikoitzean ikusi ahal izango direnak ostiral, larunbata eta igandeetan.

Eskaintza kultural hau Getxoko udalak, Horacio Echevarrieta eta industria gizonak finantziatutako eta Ricardo Bastida arkitektoak garatutako eraikuntza honen 100. urteurrenaren barruan kokatzen da.

Getxoko udalak, EHUko Unesco “Kultur Paisaiak eta Ondarea” Katedraren partaidetzarekin, kokapen pribilegiatu batean dagoen espazio honen erabilera jarri du jomugan, eta horretarako hainbat ekintza eta ekitaldi izango dituen programa bat jarri du abian, bide batez Galerien erabilpen artistiko eta kulturala bultzatuz eta hau guztia getxotarren eta bizkaitarren eskura jarriz.
Programazio honek kutsu solidarioa izango du. Antolakuntzatik itsulapiko bat jarriko da Zabalketa ONG-a buru den UP iniziatibari laguntzeko. Sektore enpresariala eta komertzialak, Getxoko Udalarekin lanean ONG honekin elkarlanean arituko da.

Informazio gehiago: http://www.getxo.eus/es/cooperacion-al-desarrollo/noticias/124