Punta Begoñako antzezpen-aretoa, gonbidatu ospetsuak bildu zituen luxuzko dantza bikainen eszenatokia izan zen urte distiratsuetan,
Horregatik, monumentua berreskuratzeko prozesuan eta erabilera sozialera irekitzean, Swing Side Bilbao elkartearen proposamena ezin hobea iruditu zitzaigun: aretoa berriro ere musikaz eta dantzaz betetzea, ekitaldi irekia, inklusiboa eta askotarikoa eskainiz.
Irailaren 27an, Girls in Band jazz bandaren zuzeneko emanaldiari esker, galeriak swingaren benetako festa bihurtu ziren. Musika, mugimendua eta topaketa izan ziren protagonista nagusiak hainbat belaunalditako partaideak batu zituen jardunaldian, dantzatu eta monumentuaren giro historikoa berpiztuz.
Aurkezpenaren eta aurretiko klasearen ostean, parte-hartzaileek espazioa bizitzaz eta alaitasunez bete zuten, eta, horrela, berriro ere hainbat hamarkadatan izan gabeko erabilera eman zioten.
Lucia Berasaluce eta Naiara Otaegi elkarteko ordezkariek ekitaldia “Punta Begoña Galeria ikonikoetan” ospatzeko gogo bizia agertu zuten, “eszenatoki paregabea baita bere historiagatik, arkitekturagatik eta ikuspegiengatik”. Gainera, Swing Side Bilbaoren koreografia berria aurkeztu eta parte-hartzaileek interpretatu zuten, ikuskizun ludikoa, estetikoa eta integratzailea eskainiz.
Swing Side Bilbao eta Punta Begoña Fundazioaren arteko lankidetza zabalik dago etorkizuneko jarduera bateratuetarako. Bi entitateek proiektu honen espiritua eta bokazioa partekatzen dituzte: monumentuaren berreskurapenean aurrera egitea, hurbilketa eta parte-hartze sozialera egokituta.
Herritarrengandik –pertsonak eta kolektiboak– sortzen diren ekimenak sustatu nahi dira, modu naturalean, Punta Begoñaren erabilera espazio zibiko eta bizi gisa egituratzen joango direnak, espazio bikaina bere historiagatik, arkitekturagatik eta itsasoaren aurrean duen kokapenagatik; gizartearen zerbitzura dagoen espazioa.
