Punta Begoña Galeriak eta bertako kultura-paisaia bisitatzea ondare-baliabidea da, eta askotariko eduki bereziak ditu.

Proiektuak lehentasunezko helburu gisa turismoa planteatzen ez badu ere, gero eta eskari handiagoa dago obra bisitatzeko eta planteatzen diren ibilbide eta jardueretan parte hartzeko.

Ohikoa da berriztatze-lan irekia turismo-azoka nagusietan egoteko gonbidapena eta horretarako oso garrantzitsua da Getxoko Turismok eskaintzen duen babesa.

Laguntza horri esker, aurten Expovacaciones azokan ere egon gara, Estatuko turismo-azoka nagusietako batean, zeina Bilbao Exhibition Centre – BECen egin baita maiatzaren 10etik 12ra bitartean.

Punta Begoña Fundaziotik bi zentzu praktiko eman nahi izan dizkiogu presentzia horri, eta proiektuaren zabalkunderako diseinatutako “zinema-kartela” oinarri hartuta, “vintage postal turistikoak” egin ditugu, gure bidaiak posta arruntez kontatzeko ohitura berreskuratzeko. Eta Getxoren irudia mundu osoko helmugetara irits dadila.

Gure ondarea berreskuratzeko beste modu bat.

Espero dugu zuen gustukoak izatea eta gure historia zabaltzen parte hartzea!