gaurkotasuna

"Egunero esperientzia bat"
Hasiera / Elkarbanatu / Gaurkotasuna

Punta Begoña Galeriei buruzko erreportajea Teknopolisen

Teknopolis EITBko programak Punta Begoña Galerien garrantziari buruzko erreportaje zabala egin du otsailaren 26an eta 27an. Bertan azaldu zituzten proiektuaren ardatz nagusiak, UPV/EHUn egiten ari diren ikerketa-lanak eta galeriak sozializatzeko lehenengo pausuak: bisita gidatuak, jardunaldiak, kontzertuak etab. Erreportajeak badu ere galerien jatorriari eta ikurrari buruzko zatia; haien jabeari buruzkoa, Horacio Echevarrieta; eta diseinatu zituen arkitektoari buruzkoa, Ricardo Bastida. Erreportajea abendua eta urtarrila bitartean grabatu zen.

Teknopolis dibulgazio zientifikoko eta teknologikoko programa da, Elhuyar Fundazioak egindakoa Euskal Telebistarentzat. Programaren erreportajeek gai zientifiko-teknologikoak jorratzen dituzte; sakonki, baina, modu atseginean eta interesgarrian. Honako denboraldi honetan lagundu dute: Eusko Jaurlaritzako Hezkuntza, Hizkuntza Politika eta Kultura Sailak, Mondragon Unibertsitateak, UPV / EHUk, Teknika Lanbide Heziketarako Berrikuntza Zentroak eta lehen aipatutako Eusko Jaurlaritzaren Ekonomiaren Garapen eta Lehiakortasun Sailak.

Ezagutu sarrera honekin lotutako gai gehiago
Punta Begoña stand Costa Vasca Fitur 2024
Punta Begoña, Fiturren gailendua | Nazioareko Turismo Azoka 2024
Madril Babelgo benetako Dorre bihurtuko da, Fiturrarekin, urtarrilaren azken egunetan, munduko tokirik ezkutuenak erakargarriak izateko eta sektoreko profesionalen eta turista...
Ondareari buruzko 2017ko Europako Jardunaldien barruan, urrian bisita gidatuak egin ziren Punta Begoñako galerietara
Punta Begoñako paisaiaren bilakaera Paisaia baten aurrean jartzen garenean, askotan, ahaztu egiten zaigu paisaia biziduna dela, gizakiaren eta ingurunearen etengabeko...