Berriz ere Europako Kontseiluak Programa Ofizialean sartu du Irratiari eta Ondareari buruzko Jardunaldien bigarren edizioa.
Zaila zirudien “Punta Begoña, Zuzenean 2024” saioan eskainitako mailara hurbiltzea:
Zuzeneko irratia, zuzeneko publikoa, emanaldiak, pertsonaia ospetsuak, solasaldiak, eztabaidak, nazioarteko irratiekiko konexioa, uhinen eta kanal digitalen bidezko emisioa… Horiek guztiek bizitzaz bete zituzten Galeriak eta proiektua mundu osoko milaka pertsonari hurbiltzen lagundu zuten.
Euskadiko Irrati eta Telebistako Kazetarien Elkarteak jarduera saritu zuen, eta epaimahaiak bereziki baloratu zuen:
“Punta Begoñan garatutako jardunaldietan profesionalek eta jendeak parte hartu izana, uhinen eta sare sozialen bidez mundu osoan milaka pertsonak egindako jarraipena, nazioarteko irratiekiko lankidetza, Bizkaiko Foru Aldundiak koordinatutako edukiei egindako ekarpena, Kultura Ministerioak jarduera kultural gisa baliozkotzea eta Europako Kontseiluaren Programa Ofizialean sartzea”.
Horregatik, Punta Begoña Fundazioak programazio berezia diseinatu zuen 2025erako, 2024.urteko Ondarearen Europako Jardunaldietan egin ziren efemerideen mailan egongo zena:
- Alde batetik, Ondare Arkitektonikoaren Europako Gutunaren hogeita bosgarren urteurrena.
- Eta bestetik, Bizkaia Europako Jardunaldietan sartu zeneko urteurren bera.
Ondare arkitektonikoari eta pertsona bakoitzaren eguneroko bizitza “ukitzen” duen moduari buruzko ikuspegia zabaltzeko asmoz, askotariko eremuetako profesionalek musika, kultura, filmak, fedea, administrazioa, osasuna, elkartasuna, albisteak, proiektu zientifikoak edo bizitza bera diseinatzeko eta eraikitzeko moduaz hitz egin ziguten.
Urriko ostiral guztietan, Punta Begoñako goizak kulturen eta pentsamenduaren jaialdi bihurtu ziren: elkarrizketak, zuzeneko emanaldiak, liburu-aurkezpenak, diskoak, proiektuak eta publikoaren parte-hartze aktiboa.
Punta Begoña Zuzenean 2025 Europako Programa Ofizialean sartzeaz gain, oraingo honetan Europako Kontseiluak Europako Historien Ondare Lekuen zerrenda murriztuan sartu zituen Galeriak, “Belvedere for History” bezala esate baterako.
Ricardo Bastida monumentuaren arduradun teknikoaren lana ezagutzeko ibilbide arkitektonikoek edo Horacio Echevarrieta galerien sustatzailearen eta Espainiako historiako enpresaririk garrantzitsuenetakoaren “eskutik” egindako bisita antzeztuek programazioa aberastu zuten; eta, “Denboraren bidaiak Punta Begoñatik“, bisita tematikoekin edo paisaia-ibilbideekin batera ahalbidetu zuten urteko azken hiruhilekoan proposamen osoa izatea.
2026ko edizioan lan egiten ari gara, kulturaren, irratiaren, ondarearen eta jendearen jaialdi honek hazten jarrai dezan eta gizarteari bere ondare historikoa helaraz diezaion.
