Urriaren 11n, EITB Kulturak Amaia Mirandaren emanaldia eskaini zuen Punta Begoñan, abeslariak bere proiektuez eta musika ulertzeko moduaz hitz egin zuen elkarrizketa batekin batera.
Programan zehar, Amaiak hiru abesti abestu zituen, “Cuando se mueren los amores”, “Será mejor” eta “Bizipoza”, eta konposizio prozesuaz eta prozesuan eragiten duten alderdiez hitz egin zuen.
Kontatu zuenez, berarentzat “tokiek abestiak aldatzen dituzte, eta batzuetan musikari bat gehiago dira”.
Zentzu horretan, Punta Begoña leku aparta iruditu zitzaion. “Kantatzen dudan lekuek duten energia hautematen dut, baina gaurkoa zerbait berezia da onerako eta txarrerako”, areto nagusiaren sonoritateari eta enklabearen eta inguruaren edertasunari erreferentzia eginez, baina baita “iragan ilunari” ere, okupazio frankistaren aztarnetan agertzen dena.
www.eitb.eus -en ikusi daitekeen EITB Kultura saioak zortzi minutuko iraupena izan zuen, edertasun eta sentiberatasun handikoa, eta Punta Begoñako zaharberritze proiektuari hedabideek, ikus-entzunezko plataformek, jaialdiek, zinema ekoizleek, telesailek eta abarrek ematen dioten kalitatezko kultur dibulgazioarekin bat egiten du.
