gaurkotasuna

"Egunero esperientzia bat"
Hasiera / Elkarbanatu / Gaurkotasuna
Obras de artistas de la muestra itinerante Ertibil Bizkaia 2023 en el salón de las Galerías Punta Begoña en Getxo

Ertibil Bizkaiaren 41. edizioak bere ibilbideari ekingo dio eta 18 obra erakutsiko ditu Punta Begoñan azaroaren 5era arte

Bizkaiko Foru Aldundiak antolatzen duen ERTIBIL BIZKAIA Ikusizko Arteen Erakusketa Ibiltariak Bizkaian lan egin eta bizi diren 18 sortzaile berrien lanak erakustsiko ditu Getxoko Punta Begoña Galerietan azaroaren 5era arte.

Sarrera dohainik. Ordutegiak

1983tik ERTIBILen helburua Bizkaian sormen-lana egiten duten artista berriei laguntzea eta horien obrak sustatzea da.

ERTIBILek Bizkaiko gaitasuna, talentua, artea eta etorkizuna irudikatzen ditu. 41 edizioko ibilbidearekin, ERTIBIL erreferente bihurtu da arte bisualen esparruan, sortzaile gazteen espektro artistikoaren alderdi berritzaileena eta sortzaileena hartu du, eta arte garaikidea eskuragarriago egiteko aukera eman digu. Begoña de Ibarra

Getxo eta gero, Sestaoko erakusketa aretoak hartuko du, azaroaren 6tik 17ra, eta ondoren Balmasedako Horcasitas Jauregira lekualdatuko da, azaroaren 20tik abenduaren 17ra. Azkenik, Ertibil Bizkaia 2023 Barakaldon amaituko da, udal erakusketa aretoan, abenduaren 18tik 2024ko urtarrilaren 5era.

ERTIBIL BIZKAIA 2023 ARTISTAK

1. saria

JON ANDER GARCÍA (Santurtzi, Bizkaia, 1989)

sufi

Jon Ander Garciak paperarekin eta oihalarekin egiten du lan, eta horren gainean pintura akrilikoa “jaurtitzen” du, bere lanen prozesuan eta emaitzan ausazkotasuna lantzeko. Sufin hainbat oihalen zatiek artistaren interpretazio figuratibo bereizgarriak osatzen dituzte, dinamismoak ematen dituztenak, itzal- eta argi-eremuak sortzen dituztenak, irudi piktoriko tradizionalaren lautasunari aurre eginez.

2. saria

MAIDER ALDASORO DIAZ (Mexiko, 1992)

shirt off nere back

Obra saritua Aldasorok soldatzeko eta soldadurak eskaintzen dizkion aukerak ikertzeko duen nahitik sortu zen. Burdinazko xafla gaineko soldadura-teknikarekin egina, pieza handia da tamainari dagokionez, astuna, ebakiak eta landutako erreminta mekanikoen aztarnak dituena. Era berean  bertan irudikatutako marrazkia oso arina eta delikatua da.

3. saria

IBAI MADARIAGA SAGASTIZABAL (Mallabia, 1994) & MIEL OYARZABAL (Durango, 1994)

Ibai Madariaga arkitektoak eta Miel Oyarzabal artista plastikoak konbentziotik ihes egin zuten, industria-materialak eta ohiko tresnak erabiliz; adibidez, arotzerian, ekonomia material izugarriarekin garatzeko, eskultura sortzen dute, espazioa sotilki okupatzen duena eta barruan dituen jolas bolumetriko ugariak deskubritzeko ikuslearen konplizitate bisuala behar duena.

Ezagutu sarrera honekin lotutako gai gehiago
Olana handi bik erakusten dituzte Punta Begoña Galerietako obraren fase berriaren emaitza eta erabilpen publikoko izaera
Neurri handiko bi olanek Punta Begoña Galerietako aldamioak estaltzen dituen ohiko segurtasun sarea ordezkatu dute; Ricardo Bastidak bere eraikuntzaren mendeurrenean...
Galerietako zeramikak eta beren jatorria, Punta Begoñako bigarren erakusketan
Maiatzean Punta Begoñako apaindura-elementurik esanguratsu eta ezagunetako batera gerturatuko gara: galeriak estaltzen dituzten zeramiketara. Maiatzaren 4tik 30era, galeriak ezagutarazteko xedez...