gaurkotasuna

"Egunero esperientzia bat"
Hasiera / Elkarbanatu / Gaurkotasuna
La alcaldesa de Getxo

Punta Begoñako berreskurapenak SGS International Certification Services erakundearen Ziurtagiria jaso du, GJHei egindako ekarpenagatik

Punta Begoña Galeriak berreskuratzeko eta balioesteko prozesuak Nazioarteko SGS Ziurtagiria jaso du, Nazio Batuen Garapen Jasangarrirako Helburuak (GJH) lortzen laguntzeagatik. Ziurtagiri hori SGS International Certification Services erakunde independenteak ematen du. SGS 1878an sortu zen, eta munduko liderra da ikuskaritzan, egiaztapenean, saiakeretan eta ziurtagiriak ematen. Erakunde horretako ordezkari Jon Ander Madariagak Amaia Agirre alkateari eman dio ziurtagiria aste honetan bertan.

Punta Begoña Fundazioak, GJHak ekintza publikoaren funtsezko erreferente egiten dituen udalerriaren parte den aldetik, bere jarduera helburu horiek betetzen direla egiaztatzeko prozesu sakon baten mende jarri du, kalitatean eta integritatean liderra den erakunde independente batek gauzatutako prozesua. SGSren zirtagiriak egiaztatzen du monumentu hau zaharberritzeko eta balioesteko prozesuak Garapen Jasangarriko Helburuak modu zabal eta eraginkorrean lortzen laguntzen duela. Amaia Agirre, Getxoko alkatea eta Punta Begoña Fundazioaren presidentea.

Ziurtagiri horren bidez, nabarmentzen da proiektuak honako gai hauek hartu dituela barne: irekitze soziala eta 70.000 pertsona baino gehiagoko parte-hartze aktiboa; gardentasuna eta informazio publikoa; genero-berdintasunaren aldeko ekimenak; herritar guztientzako prestakuntza-programen eskaintza; ikerketa eta berrikuntza; bisikidetza-espazioak sortzea; eta tokiko garapena bultzatzea.

Punta Begoña Galeriak berreskuratzeko prozesuaren bidez, agerian geratu da kultur ondarea pertsonen bizimodua eta ingurumena hobetzeko balio dezakeela. Oso atsegina da ikustea ziurtagiri horren bidez ordura arte egindako esfortzuak eta izandako lorpenak aintzatesten direla. Amaia Agirre.

SGSk aldeko emaitza hori babesten du jasangarritasunari lotutako hainbat adierazletan eta zaharberritze-prozesuak jaso dituen askotariko errekonozimenduetan, eta proiektuaren planteamenduan eta garapenean jartzen du arreta, besteak beste, honako gai hauetan: kalitatezko hezkuntzan, genero-berdintasunean, ingurumenean, berrikuntzan, parte-hartze sozialean edo hiri eta espazio jasangarrien sorreran. Horrela, Punta Begoña Fundazioak izugarrizko ekarpena egiten dio gizarteari, bere ikuspegiarekin Getxo inklusiboagoa eta iraunkorragoa lortzen lagunduz. Jon Ander Madariaga, SGS International Certification Services.

Ezagutu sarrera honekin lotutako gai gehiago
UPV/EHUko ikaslek eskolak hartu dituzte galerietan
“Paisaiaren Kudeaketa. Ondarea, Lurraldea eta Hiria Unibertsitate Masterreko” 30 ikasle inguru Punta Begoñara joan ziren, han “Kultur paisaiaren kudeaketa sozioekonomikoa”...
Escena del rodaje de la serie independiente "Viejas Glorias" en Punta Begoña
Filmaketa berria Punta Begoñan
Joan den otsailaren 4an, “Viejas Glorias” telesail independentea filmatu da Punta Begoñan, galeriekin lotura berezia duen Jon Ander Serrano “Jaxsa”...