Joan den maiatzaren 24an Zientziateka konferentzia zikloan izan ginen, hilabetero EHUko Kultura Zietifikoko Katedrak eta Bilboko Azkuna Zentroak gaur-gaurko gai zientifikoak hedatzeko antolatzen dituzten hitzaldiaetan, alegia.
“Bitxi arkitektoniko baten berreskurapena: Punta Begoña Galeriak” izeneko solasaldiaren bidez (gaztelaniaz), proiektuko EHUko ikertzaileen taldeko lau kidek zehatz-mehatz azaldu zituzten, zer-nolako erronkak izan ohi dituzten eguneroko lanean, eta ikerketaren lehen faseko aurkikuntza nagusiak erakutsi zituzten. Lehen fase horretan, hain zuzen ere, eraikina zenbateraino den egonkorra egiaztatu dute, hondatzearen kausak detektatu dituzte, kalteak zenbaterainokoak diren kalkulatu dute eta neurri zuzentzaileak proposatu dituzte.
