gaurkotasuna

"Egunero esperientzia bat"
Hasiera / Elkarbanatu / Gaurkotasuna

Areto nagusiaren azpiko gunera sartzeko arrapala

Punta Begoña inguruan zenbait egitura muntatzen aritu ostean, gaur goizean bukatu dute galerien areto nagusiaren azpiko gunera (Ereaga hondartzaren parean) seguru eta erraz igarotzeko aukera emango duen sarbidea. Gainera, gunearen barruan 20 metroko luzerako arrapala bat instalatu dute, eremu berri horretara iritsi ahal izateko. 2017an hainbat lan egingo dituzte eraikinean, irisgarritasuna hobetzeko, guneak gehiago erabili ahal izateko eta galerietako elementuen hondatze prozesua geldiarazteko, eta arrapalaren instalazioa, hain zuzen ere, lanon barruan sartzen da.

Sarbide berria zurez egin dute, galerietan duela zenbait urtetatik dauden eskaileren egituraren estetikari jarraituz. Modu horretan, eraikinarekin bat datorren izaera propioa eman nahi izan diote guneari, baliabide material eta bitarteko ahalik eta gutxiena erabilita.

Arrapala berri horri esker, UPV/EHUko ikertaldeak gune horretara sartu ahal izango dira aretoaren forjatua eta zimenduak nola dauden aztertzera. Denborarekin, areto nagusiaren azpiko leku hori galerietako aurkikuntzak eta jarduerak azaltzeko erakustoki gisa erabiliko da.

 

Ezagutu sarrera honekin lotutako gai gehiago
Shinova en Un País para escucharlo de RTVE grabando en Punta Begoña
Galeriek durundi eta dir-dir egiten dute "Un país para escucharlo" saioan
Ariel Rot musikari argentinarrak gidatzen duen “Un país para escucharlo” RTVEko saio ezagunak, martxoaren 5ean Kantauri isurialdeari eskaini zion bere...
Paisaiaren Gestioan Masterra. Ondarea, Lurraldea eta Hiria, UPV/EHU.
Azken asteetan, Punta Begoña Galerietako obren garrantzia arkitektura eta eremu kulturaleko hainbat eremuetan aintzatesten ari da. Javier Martin Ramirok, Sustapen...