Punta Begoña laborategi bizi gisa funtzionatzen duen ondare-eremu bakarrenetakoa da.
EHU-Euskal Herriko Unibertsitateko taldeek urteak eman dituzte neurketak, analisiak eta ikerketak egiten, ulertzeko nola eragiten dieten hezetasunak, gazitasunak, olatuek, kutsadurak, industriak, trafikoak… monumentua osatzen duten materialei.
Orain, Punta Begoña Fundazioak ikerketa eta jarraipen horrekin jarraitzen du, berreskuratzea ahalbidetuko duten teknikarik onenak aplikatzeko.
Sentsoreek, hiru dimentsioko eskanerrek, monitorizazio-teknikek, droneek, ad hoc esperimentuek… balio dute datuak denbora errealean lortzeko eta kontserbazio-estrategia eraginkorragoak diseinatzeko. Ikerketa honek ez du soilik eraikina babesten: kostaldeko beste ondare batzuei aplika dakiekeen ezagutza zientifikoa sortzen du.
Punta Begoña bisitatzea kontserbazioaren etorkizunari begiratzea da.
