Punta Begoña inguruan zenbait egitura muntatzen aritu ostean, gaur goizean bukatu dute galerien areto nagusiaren azpiko gunera (Ereaga hondartzaren parean) seguru eta erraz igarotzeko aukera emango duen sarbidea. Gainera, gunearen barruan 20 metroko luzerako arrapala bat instalatu dute, eremu berri horretara iritsi ahal izateko. 2017an hainbat lan egingo dituzte eraikinean, irisgarritasuna hobetzeko, guneak gehiago erabili [...]
Duela gutxi, estazio meteorologiko bat jarri dugu Punta Begoñako goiko lorategian, galerietan egiten ari garen azterketa hidrogeologikoa osatu ahal izateko eta inguruko urak eraikinari nola eragiten dion aztertzeko. Estazio berri hau lur azpiko urak kontrolatzeko sareari batu zaio, datuak etengabe erregistratzen dituzten lau zundaketa edo putzurekin. Honako funtzio hauek ditu estazioak: Anemometroa, haize orratzarekin, haizearen [...]
Apirilaren 24an eta 26an, Punta Begoña Galeriekin nolabaiteko zerikusia duten herritarren lekukotzak biltzeko aurreneko saioak egin genituen, eta galeriei buruzko bizipenak eta istorioak eman dizkigute, baita argazkiak, bideoak, liburuak eta beste ere. Lekukotzak biltzeko, zenbait elkarrizketa egin ditugu Getxoko Romo Kultur Etxean, aldez aurretik hitzordua eginda, eta bideoz grabatu ditugu. Aurrerago, bilketa irekiago bat egin [...]
Aurtengo bisita gidatuek beste formatu bat izango dute: ibilaldi gidatuaz gain, hainbat erakusketa jarriko ditugu hilero, proiektuaren nondik norakoak azaltzeko. Apirileko erakusketa galerien azpiko flysch motako labarrari eta labarrak eraikinarekin duen interakzioari buruzkoa da. Labarra benetan mugitzen da? Haren mugimenduek ba al dute eraginik galerien egonkortasunean? Apirileko bisita gidatuetan, besteak beste galdera horiei erantzungo zaie. [...]
Punta Begoña galeriei balioa emateko lanean parte hartzen duten UPV/EHUko ikerketa taldeen lanaren emaitza gisa, hurrengo hilabeteetan egingo dituzten aurreneko lanak aurkeztu dituzte gaur goizean. Horrez gain, 2017ko bisita gidatuen inguruko nobedadeak aurkeztu dituzte. Ekitaldian izan dira Imanol Landa Getxoko alkatea, Arturo Muga Zientzia Garapen eta Transferentziarako errektoreordea, Juanma Madariaga UPV/EHUren proiektuko ikertzaile nagusia eta [...]
Ez galdu aukera Punta Begoñan sartzeko eta bere historia, zure historia ezagutzeko.
