Joan den otsailaren 4an, “Viejas Glorias” telesail independentea filmatu da Punta Begoñan, galeriekin lotura berezia duen Jon Ander Serrano “Jaxsa” zinemagileak zuzendua.
Jaxsa ikus-entzunezko komunikazioan bikain graduatu zen Euskal Herriko Unibertsitatean UPV/EHU, Punta Begoñan filmatutako gradu amaierako lan batekin. Bartzelonako ESCAC -en Zuzendaritza Masterra egin eta gero, gidoilari eta zuzendari gisa ibilbide interesgarria egiten ari da, bere lanean, galerien magia oso kontuan harturik.
Ikus-entzunezko proiektuak eta jarduerak garatzeko gero eta eskaera gehiago jasotzen dira. 2023an zehar, Punta Begoña filmatzeko leku eta eszenatoki izateko hainbat bisita eta proposamen egon dira. Aipatutako hauek, zinemako, telesailetako, jaialdietako, bideoklipetako, dokumentaletako eta programa tematikoetako bisitak izanez.
Ekintza horiek monumentuaren obra eta gizarte eta kultura-jarduerarekin bateragarriak diren heinean, kokagune paregabea ezagutarazteko eta zaharberritze-proiektua eta norako publikoa zabaltzeko aukera ezin hobea dira. Ekintzok, musika-klipetan, telebista-programetan edo 2025ean argitaratuko den telesaila honetan islatzen ari dira.
