Turismoa ez da lehentasunezko helburua Punta Begoñarentzat. Argi dago oso baliabide historiko, paisajistiko edo arkitektoniko erakargarria dela. Baina proiektua bertako biztanleek erabiltzeko eta gozatzeko pentsatuta dago, eta bisitariak erakartzea ondorio bat izango da, eta ez premisa bat.
Horregatik, garrantzitsua da Punta Begoña galeriak Euskadiko Etika Turistikoaren Erregistroan sartu izana, proiektuak garapen iraunkorraren eta turismoaren erantzukizunaren balioak bete, sustatu eta aplikatzeko duen konpromisoaren erakusgarri. Eusko Jaurlaritzak eman du kalifikazio hori.
Era berean, garrantzitsua da Bizkaiko Foru Aldundiak berariaz katalogatu izana galeriak lurralde historikoko baliabide turistiko nagusien artean, haien ezaugarri historiko-kulturalak kontuan hartuta.
