Urriaren 6an, igandea, 10:00ak eta 15:00ak bitartean, Punta Begoña Galeriak ehunka laguni ireki zitzaizkien, eta, Jaialdiaren antolaketaren hitzetan, “Bizkaiko eta Euskadiko XX. mende hasierako eraikinik esanguratsuenetakoaz eta gizarte, gizon eta garai oso baten sinboloaz” gozatu ahal izan zuten.
Open House Bilbao nazioartean kokatuta dago Open House Europa sarearen barne egonik eta arkitektura, hirigintza eta ondarearen jaialdian Punta Begoñara bisita barneratu du Getxoko udalerriko nahitaezko erreferentzia bakarra den aldetik.
Herritarren erantzunak espero zitekeen edozein xede gainditu zuen, lehen ordutik taldeak osatu eta ilarak sortu baitziren Galerien oinetan.
2017az geroztik, Open House Bilbao Jaialdiak arkitektura herritarrengana hurbiltzen du, begirada ireki, zeharkako eta parte-hartzailearekin, askotan ezezaguna den ondare baten aurrean begiak irekitzen dizkiguten ehunka boluntarioren lanean oinarrituta. Beste behin ere, boluntarioen lana Punta Begoñan, gertukoa, emana, zehatza eta atsegina izan zen.
Punta Begoñako Open Jaialdia ospatu aurretik, Maria Peraita Fundazioko zuzendariak “Hirigintza sozial eta inklusiborantz” hitzaldi eta elkarrizketa irekian parte hartu zuen, BBK Kunan, hiri-diseinuaren prozesuan lan-ildo bidezkoagoak aurkitzeko Jaialdiaren ezohiko jarduera gisa.
Punta Begoña Galeriak eta haren hiri-ingurunea zaharberritzeko eta balioztatzeko prozesua erreferentzia bat da hiri bizigarriagoen eraketan, eta, zentzu horretan, proiektu aitzindaria izan da nazioartean kultura-ondare gisa ziurtagiria lortzen (SGS INTERNATIONAL enpresa ziurtatzailea), “Garapen Iraunkorreko Helburuak betetzen eta eraginkorrak izaten laguntzeagatik”.
