“Paisaiaren Kudeaketa. Ondarea, Lurraldea eta Hiria Unibertsitate Masterreko” 30 ikasle inguru Punta Begoñara joan ziren, han “Kultur paisaiaren kudeaketa sozioekonomikoa” ikasgaiaren klase bat jasotzera.
Atzoko klasean, UPV/EHUko ikasleek ikusi zuten nortasun-sentimenduak sortzen dituen ondare-elementu bat (kasu honetan Punta Begoña) nola txertatu ahal den lurralde-estrategietan, berrikuntzara eta dinamika kultural eta sozioekonomikoak sortzera orientatuak.
Prestakuntza da galerien balioa nabarmentzeko proiektuaren ardatz nagusietako bat. Galeria hauek ikasketarako agertoki ezin hobea dira, eta UPV/EHUko zenbait gradu eta master irakasteko erabili ohi dira.
