Madril Babelgo benetako Dorre bihurtuko da, Fiturrarekin, urtarrilaren azken egunetan, munduko tokirik ezkutuenak erakargarriak izateko eta sektoreko profesionalen eta turista potentzialen mesedea lortzeko lehian dauden merkatu frenetiko batean.

Zaila da zurrunbilo horretan nabarmentzea, baina azken urteotan, Euskadik, Bizkaiak eta, modu etengabean Getxok, interes handia sortu dute, natura-, kultura- eta gastronomiaren inguruko-proposamen iraunkor batean oinarriturik. Era berean, kultura-ondarearen begirada berezia, berritzailea eta irekia eskaintzen du, hura ezagutu eta bizitzeko aukera emanez.

Gasteizko Katedral Zaharra, Gesaltza Añana eta orain Punta Begoña bezalako esperientziek aukera ematen dute gure ondareetara hurbiltzeko, ezagutzeko eta ondare horien parte izateko.

Punta Begoñako zaharberritze irekia Bizkaiko baliabide turistiko estrategiko, Euskadiko turismo-jardunbide egokien eredu edo turismo etiko eta iraunkorraren adibide bilakatu da denbora gutxian

Proiektu sozial eta kultural honetan, turismoa, Jendearen zerbitzura egongo den espazio bizigarri eta jasangarri bat sortzearen ondorioa da. Eta duen berezitasunagatik eta herritarren parte-hartzeagatik, interes nabarmena eta eztabaidaezina ematen dio Euskadiko proposamen-turistikoari.