2024an zehar, itsaslabar eta areto arteko espazio historikoak berreskuratzeko egiturazko esku-hartzeak garatu dira, erabilera soziokulturalerako.

2025ean, Punta Begoñako berreskuratze integralaren azken faseari hasiera eman zitzaion.

Ikerketa faseen eta larrialdiko eta segurtasuneko esku-hartzeen ondoren, eraikinari eta hura integratzen den kultura-paisaiari buruzko datu askoz gehiago daude. Eta baita Getxoko milaka urteko historiari buruz ere, eraisteko eta berreraikitzeko jarduerak egin izan balira gal zitekeena.

Gizarteak Punta Begoña ezagutu du prozesuan zehar, eta hura erabiltzeko gero eta jarduera eta proposamen gehiago daudenez, espazioak egokitzeko bidean aurrera egitea komeni da.

Datozen urteetan, Punta Begoña, gero eta gehiago, sorkuntzarako, erakusketarako eta prestakuntzarako gune irekia izango da. Eta aisialdirako eta gozamen sozialerako topagune bat ere bai, kokapen, historia eta edertasunagatik aparta den ekipamendu zibikoa.

Udal talde guztiek osatzen duten Fundazioaren Patronatuari plangintza-proposamen teknikoa aurkeztu ondoren, dokumentua 2025ean irekiko zaio gizarteari, eta, bertan, gaitutako espazioen esku-hartzeak, epeak, erakusketa-, prestakuntza- eta gizarte-erabilerarako aukerak eta hiri-ingurunea hobetzeko ekarpenak azalduko dira.

Laburbilduz, Getxoko itsasertzean paisaia-ikono gisa berreskuratutako aparteko ekipamendu zibikoa erabat eskuragarri dago.