Punta Begoñaren eraikuntzaren mendeurrenean, labar baten gaineko monumentuaren konfigurazioagatik beragatik oso konplexua den eraikuntza-prozesu batean, milaka urteko aztarnen presentziagatik balio historiko handiko espaziotzat jotzen diren galerien berreskurapenak zailtasun erantsiak ditu denboraren iragaitearen ondorioz, hain zuzen ere eragile meteorologiko, fisiko eta
kutsatzaileek … eragindakoak.
Eraikinaren erabilera publikoak eta haren balio monumentalak egiturazko segurtasuna ahalik eta gehien bermatzea eskatzen dute. Pitzadura handiak daudenez, euskarriak hainbat metrotan “josi” behar izan dira, itsaslabarraren barrualdeko geruzetara. Obra konplexuko aldi horren ondoren, eta osasun-krisia tarteko, orain Galeriak berriro irekitzeko unea hurbiltzen ari da, bai eta aurrerapenak ikusteko interes publikoari eta, pixkanaka, kultura-, prestakuntza- edo arte-jarduerak garatzeko gizarte-proposamenei erantzuteko aukera ere.
